Имавме особена чест во Комората на овластени архитекти и овластени инженери да се одржи стручно предавање од Проф. Џејмс „Џим“ Кар (James “Jim” Carr) кој е професор по Construction Management на „Donaghey College of Engineering and Information Technology“ при Универзитетот во Арканзас, Литл Рок.

Тој важи за врвен експерт во својата област со повеќе од 30 години академско и професионално искуство во областа на градежните регулативи, кодови, безбедносни стандарди и управување со изградба. Активно е вклучен во работата на Националната асоцијација на градежници на домови (NAHB) и Асоцијацијата на училишта за градежништво. Автор е на бројни меѓународни научни трудови и е добитник на признанието „Outstanding Educator“ за неговиот исклучителен придонес во едукацијата во градежниот сектор.

Тема на предавањето:

“Construction Regulations in the United States”

Фокусот на предавањето беше насочена кон практичната примена на американските стандарди и споредба со локалната регулаторна рамка, опфаќајќи ги клучните области:

• Процес на развој и имплементација на градежните кодови.

• Стандарди за безбедност и здравје при работа и нивна усогласеност.

• Регулативи за пристапност (Americans with Disabilities Act).

• Еколошки регулативи во современата градежна пракса.