На покана на Хрватската Комора на инженери по електротехника, на 15-ти Денови на електроинженери што се одржаа од 4 до 7 октомври во Бол на островот Брач во Хрватска, присуствуваа Претседателката на Комората М-р Кристинка Чулак, раководителот на одделението за електроинженери Владе Гроздановски и членот на Надзорниот Одбор на Комората, Миле Дабевски.
Во своето обраќање на свеченото отварање Претседателката Чулак ги поздрави присутните во име на сите членови на Комората и им го честита јубиларното издание на овој најпрестижен настан на електроинженерите на Хрватска, со желби за уште долги години успешна работа и продлабочување на меѓусебната соработка меѓу двете комори. Таа истакна дека во време на глобалната енергетска транзиција и во процесите на изнаоѓање на обновливи извори на енергија со цел зачувување животната средина на планетата земја, улогата на електроинженерите е клучна и дека вакви собири се најдобриот начин за размена на искуствата, но и постигнување на уште поголеми резултати.

Leggi tutto: 15ти денови на електроинженери на Хрватска комора

Во организација на Асоцијацијата на архитекти на Македонија од 14 до 29 септември 2023 година ќе се одржи Биеналето на македонската архитектура - БИМАС 2023. 

Ја пренесуваме поканата од  свеченото отворање кое ќе се одржи во четврток на 14 септември 2023 година со почеток во 20.00 часот во Националната галерија - МАЛА СТАНИЦА.Во продолжение на пораката Ви ја праќаме целокупната програма на годинешниот БИМАС.

Leggi tutto: Информација за БИМАС 2023

Салонот на урбанизмот е традиционална манифестација која се одржува еднаш годишно во Ниш, Република Србија. Здружението на урбанисти на Србија прави осврт на најзначајните достигнувања од областа на просторното и урбанистичкото планирање, проектирање и реализација. Покрај учесниците на салонот од територијата на Република Србија, можат учествуваат архитекти и урбанисти од странство, вклучувајќи ја и Република Северна Македонија.

Leggi tutto: 32 Салон на урбанизам, Ниш

Комората на овластени архитекти и овластени инженери на Република Северна Македонија перманентно се грижи преку своите одделенија за континуиран професионален развој на своите членови воспоставувајќи различни облици на соработка.На иницијатива на одделението за електротехника и во организација на Комората на 09-06-2023 и 10-06-2023 се одржаа „Првите денови на електроинженерите во Република Северна Македонија“.Со внимателно одбрани теми беа опфатени различни области кои се однесуваат на проучувањето и примената на електрична енергија, електрониката и електромагнетизамот. Апострофот беше ставен на современите текови во електротехниката.Интернационалноста на настанот беше потврден со учество на еминентни гости од Република Словенија и Република Црна Гора. Профилот на предавачите беше и од едукативната сфера но истовремено и од реалниот активен сектор во областа. Настанот го отвори Претседателот на Комората архитект М-р Кристинка Радевски со пригодно обраќање заедно со раководителот на одделението за електротехника инженер Владе Гроздановски. 

Leggi tutto: „ПРВИ ДЕНОВИ НА ЕЛЕКТРОИНЖЕНЕРИ“ 2023