Делегатите на Одделението за градежништво при Комората на овластени архитекти и овластени инженери (КОАИ), Панче Грков и Висер Палоши, учествуваа на 82. Генерално собрание на European Council of Civil Engineers (ECCE), кое се одржа 18 – 20 јуни во Брага, Португалија.

На Генералното собрание присуствуваа претставници на инженерските организации од повеќе европски држави, при што беа разгледани актуелни теми поврзани со прифатливо домување, изградба на домови, етички принципи во професијата, усогласување и ревизија на основни организациони документи.

Leggi tutto: КОАИ на 82. Генерално собрание на ECCE во Брага, Португалија

На покана на претседателката на Хрватската комора на градежни инженери (HKIG), Нина Дражин Ловрец, претседателот на Комората на овластени архитекти и овластени инженери на Република Македонија (КОАИ), м-р Дејан Метикош, учествуваше на XX. Денови на Хрватската комора на градежни инженери (HKIG), кои се одржаа од 11 до 13 јуни 2026 година во Опатија, Република Хрватска.

Јубилејното дваесетто издание на настанот, обедини бројни претставници на инженерските комори, академската заедница, државните институции и експерти од областа на градежништвото и инфраструктурата. Програмата опфати теми од особено значење за инженерската професија, меѓу кои: имплементацијата на националниот план за станбена политика, законската регулатива во градежништвото и просторното планирање, јавните набавки во секторот градежништво, дигитализацијата и BIM-пристапот, примената на вештачката интелигенција во градежништвото, втората генерација на Еврокодовите, сеизмичкото инженерство, климатските промени, инфраструктурните проекти и современите инженерски практики.

Leggi tutto: Зајакнување на регионалната соработка: КОАИ на XX. Денови на Хрватската комора на градежни...

Свечено собрание по повод Златниот јубилеј „50 години ДГКМ – Друштво на градежни конструктори на Македонија, предводници на градежното конструкторство“

На 12.06.2026 година, на Градежниот факултет во Скопје се одржа Свечено собрание по повод Златниот јубилеј „50 години ДГКМ – предводници на градежното конструкторство“, со кое беа одбележани пет децении од постоењето и дејствувањето на Друштвото на градежни конструктори на Македонија.

Leggi tutto: 50 години ДГКМ – Друштво на градежни конструктори на Македонија

На 11 јуни 2026 година, Комората на овластени архитекти и овластени инженери (КОАИ), преку Одделението на градежни инженери, успешно ја реализираше II-та сесија од напредната стручна обука на тема „FIDIC 1999 vs FIDIC 2017: Дополнувања и појаснувања претставени во новите изданија на Црвената и Жолтата книга и разлики во управувањето при различни изданија на договори“.

Leggi tutto: Одржана втората сесија од обуката за FIDIC договори: Праксата, предизвиците и решенијата во...