Комората на овластени архитекти и овластени инженери на Северна Македонија, како институционален  партнер на форумот SHARE ви пренесува дел од настаните кои се планирани во наредниот есенски период. SHARE е  еден од најинтензивните ивенти во регионот, извор на свежи информации кој поддржува континуирана обука на професионалци и промоција на млади таленти, со што целосно се поклопува со статутарните определби на Комората. Акцентот на годинашнава агенда е ставен на SHARE Романија 2023 чијашто  програма на настани вклучува спој на експертски дискусии, изложби и конференции за архитектура со поканети меѓународни говорници. Секој настан служи како катализатор за нови идеи, врски и соработки. Ќе се дискутира за одржливиот  дизајн на фасадите и безбедноста од пожар, ќе биде претставена архитектонската изложба „Основи на иновации“ преку прикажување на водечките фирми во архитектурата и ќе има предавања од етаблирани гости од професијата.

Во наредниот период следат:

            Форумот SHARE Bulgaria 2023 ќе се одржи на 28 септември во Софиската балканска палата и е посветен на професионалците во архитектурата и градежништвото од Централна и Југоисточна Европа и на Комората на архитекти во Бугарија (CAB). Форумот служи како платформа за прикажување на најновата национална и меѓународна наградувана архитектура и големи развојни проекти, заедно со најсовремените градежни технологии.

            Шестото издание на Меѓународниот форум за архитектура SHARE Skopje 2023  ќе се одржи на 10 октомври во објектот на Филхармонијата, каде што ќе се обединат професионалци и ентузијасти од цела Европа за да ја истражат темата „Добра архитектура за живеење: подобрување на просторот за живеење и работа“.

SHARE Skopje 2023 има за цел да навлезе длабоко во областа на архитектонските решенија кои промовираат добро живеење и создаваат хармонични, инспиративни простори.

            Овогодинешниот форум е специјално прилагоден за архитекти, архитекти за внатрешен дизајн, дизајнери, агенти на недвижности и за секој со афинитети кон архитектурата и дизајнот. SHARE Skopje 2023 нуди уникатна платформа за размена на идеи, споделување на искуства и истражување на иновативни пристапи во архитектурата кои се фокусираат на подобрување на човечкото суштествување.

Ве покануваме да ни се придружите во Филхармонијата на 10 октомври, каде што ќе имате шанса да остварите комуникација со влијателни личности во областа на архитектурата и дизајнот и да стекнете вредни сознанија од нивната експертиза.

Повеќе информации на следниот линк