На 15.04.2026 во Комората на овластени архитекти и овластени инженери успешно се реализира стручен семинар за заштита на електрични мрежи во здравствени установи.

Компанијата BEKER d.o.o., во соработка со германската компанија Bender GmbH, успешно го реализираше стручниот семинар на тема „Проектирање на заштита на електрични мрежи во здравствени установи“, кој се одржа во просториите на Комората.

Семинарот привлече голем број професионалци од областа на електротехниката, вклучувајќи проектанти, инженери, изведувачи и експерти од здравствениот сектор, кои имаа можност да се запознаат со најновите меѓународни стандарди и практични решенија во оваа специфична област.

Во текот на настанот беа обработени повеќе значајни теми, меѓу кои: општа презентација на системите, примената на стандардот IEC 60364-7-710:2021, теоријата на контрола на динамичка изолација во IT и TN-S мрежи, како и проектирањето и имплементацијата на системи во медицински простории. Особено внимание беше посветено на практичните решенија за контрола на изолацијата, како и на реалните предизвици со кои се соочуваат инженерите во болничките установи.

Предавањата беа одржани од експерти од оваа област. Г-дин Мајкл Миовиц, регионален менаџер за EMEA во Bender, сподели вредни искуства од својата долгогодишна меѓународна кариера, со посебен осврт на стандардизацијата и практичната примена во болнички проекти. Г-дин Јуре Облак, магистер по електротехника и експерт со повеќе од 20 години искуство, ги презентираше аспектите на проектирање и усогласување на системите со важечките стандарди и законска регулатива.

Семинарот заврши со интерактивна дискусија, при што учесниците имаа можност да поставуваат прашања и да разменат искуства со предавачите.

Со овој настан, BEKER d.o.o. уште еднаш ја потврди својата посветеност кон едукација, следење на современите стандарди и унапредување на стручноста во областа на електротехниката, особено во сегментот на здравствени установи.