Имајќи ги предвид неодамнешните појави на свлечишта во Македонија, како и потребата од поефикасно и системско управување со ризикот од свлечишта, Ве информираме дека во рамките на Годишното собрание на Друштвото за геотехника на Македонија (ДГМ), кое ќе се одржи на 27 февруари 2026 година (петок) со почеток во 12:00 часот, ќе се одржи покането стручно предавање на проф. д-р Сетимо Ферлиси, редовен професор на Универзитетот во Салерно, Италија, со наслов:

„Управување со ризикот од свлечишта во Италија: пракса и перспективи“
(Landslide risk management in Italy: practice and perspectives)

Проф. д-р Ферлиси е истакнат експерт со долгогодишно искуство во истражувања, реализација на практични проекти и учество во национални и стручни тела поврзани со управување со ризикот од свлечишта во Италија. Презентацијата ќе даде преглед на италијанските практики, законската рамка, институционалната поставеност, како и координацијата помеѓу надлежните државни и стручни институции, со цел согледувањата да придонесат во развој на соодветни решенија и во домашната практика и регулатива.