Министерството за транспорт и врски во соработка со Комората на овластени архитекти и овластени инженери ве известува дека во петок на 23.02.2024 година ќе се одржи стручен испит од областа на урбанистичкото планирање - февруарска испитна сесија за стекнување на овластување за изработување на урбанистички планови. Доставата на апликации на кандидатите се врши најдоцна до 10.02.2024 година.

Испитните сесии за полагање на стручен испит од областа на урбанистичкото планирање се одржуваат по правило во последната недела од месеците февруари, јуни и октомври. (Соопштението на веб страната на Министерството за транспорт и врски).

Кандидатот кој ги исполнува условите согласно законските и подзаконските акти од областа на урбанистичкото планирање поднесува Барање за полагање стручен испит од областа на урбанистичко планирање.

Согласно Правилникот за начинот за спроведување на стручниот испит (Сл.Весник на РСМ БР.219/22 и Упатството за работа на комисијата за полагање на стручен испит во електронска форма до Комората на овластени архитекти и овластени инженери на електронската адреса:  Оваа е-адреса е заштитена од спамботови. Треба да ви е овозможено JavaScript за да ја видите..  

Треба да се приложат следните документи:

1. Барање – формулар, прилог 1 од Правилникот

2. Диплома за завршено високо образование дипломиран инженер архитект или магистер инженер архитект, кој завршил VIIА степен на високо образование, односно II циклус на студии- Магистерски академски студии со кои се стекнал со 300 кредити според Европскиот кредит – трансфер систем (ЕКТС), согласно член 67 став (1) од Законот за урбанистичко планирање.

3. Доказ дека го исполнува условот за работно искуство од најмалку 12 месеци по стекнување на условот за високот образование, а до денот на полагање на стручниот испит од областа на урбанистичкото планирање од член 67 од Законот за урбанистичко планирање и членовите 3 и 5 од Упатството за работа на комисијата за полагање на стручен испит.

Како доказ за работното искуство се смета:

• изјава од правното лице каде кандидатот го стекнал професионалното искуство која содржи податоци за времето потрошено на соодветни работи од областа на урбанистичкото планирање и уредување на просторот, како и податоци и докази за работниот однос, договори за дело или други договори со правни лица, владини или невладини организации или истражувачки односно научно-истражувачки правни лица, како и доказ од ПИОМ со М4 образец за работен стаж.

4. Доказ за соодветни професионални резултати во областа на урбанистичкото планирање од член 67 ставовите (2), (3) и (4) од Законот за урбанистичко планирање, стручен труд во кој учествувал и на кој кандидатот е потпишан во својство на соработник, учесник и изработувач, и согласно чл.6 најмалку еден труд од чл.12 од Упатството за работа на комисијата за полагање на стручен испит;

5. Доказ за идентификација на кандидатот (копија од лична карта).

6. Доказа за извршена уплата за надомест за трошоците за стручниот испит

Согласно член 14 став 1 од Правилникот за начинот за спроведување на стручниот испит, надоместот од апликантите за испитот изнесува 35% од просечната нето плата. Последно соопштение од Државниот завод за статистика е за просечната нето плата за месец ноември 2023 година изнесува 38.359 ден., што упатува дека стручниот испит чини 13.426 ден. (35% од 38.359ден).

Уплатата од 13.426 денари  се врши на следната сметка на Комората:

• Жиро сметка: 250 001 002 332 248
• Банка: Шпаркасе Банка
• Примач: Комора на овластени архитекти и овластени инженери
• Цел на дознака: за Стручен испит урбанистичко планирање

Материјалите за стручниот испит:

• Правилник за начинот за спроведување на стручниот испит од областа на урбанистичкото планирање, програмата за полагање на испитот, висината на надоместокот за трошоците за испитот, како и надоместоците за членовите на испитната комисија, за програмата и испитните прашања и други аспекти на организацијата, содржината и формата на обрасците за испитот и на уверението за положен стручен испит (Сл.Весник на РСМ бр.219/2022);
• Упатство за работа на комисијата за полагање на стручен испит од областа на урбанистичко планирање;
• Прашања за стручниот испит од областа на урбанистичкото планирање;

• Програма за полагање на стручниот испит и тоа општ дел со прописи од области релевантни за урбанистичкото планирање (одредбите од прописите обележани со црвена боја се предмет на програмата за стручниот испит) и посебен дел со прописи од областа на урбанистичкото планирање;
  • Општ дел
    1. Устав РСМ
    2. Закон за локална самоуправа - пречистен
    3. Закон за градот Скопје - пречистен
    4. Закон за сопственост и други стварни права - пречистен
    5. Закон за животна средина - пречистен
    6. Закон за заштита на културното наследство - пречистен
    7. Закон за јавни патишта - пречистен
    8. Закон за земјоделско земјиште - пречистен
    9. Закон за водите - пречистен
    10. Закон за шумите - пречистен
    11. Закон за градежно земјиште - пречистен
    12. Закон за експропријација - пречистен
  • Посебен дел
    1. Закон за спроведување на ППлан на РМ
    2. Закон за урбанистичко планирање
    3. Закон за градење - пречистен
    4. Правилник за урбанистичко планирање - пречистен
    5. Правилник за стандарди и нормативи за проектирање