Комората на овластени архитекти и овластени инженери (КОАИ), преку Одделението на градежни инженери, Ве поканува да присуствувате на стручни предавања од областа на примената на ЕВРОКОДОВИТЕ за проектирање и анализа на сложени челични и спрегнати конструкции.

Напомена: Овие предавања се од практичен карактер, базирани на реални искуства стекнати директно од професионалната пракса.

Во рамки на предавањата ќе бидат обработени следните теми:

• Индустриска челична хала со крански греди, со административен дел изведен со спрегната меѓукатна конструкција и армирано-бетонска темелна конструкција
• Повеќекатна челична индустриска зграда, кај која хоризонталната крутост е обезбедена преку употреба на спрегови

ИНФОРМАЦИИ ЗА СТРУЧНИТЕ ПРЕДАВАЊА:

Предавањата ќе опфатат практични показатели, во согласност на Еврокодовите, принципи на анализа на објекти во целост, како препораки во постапките, критериумите и правилата во:

• анализа на постојани товари,
• анализа на корисни товари,
• товар од снег,
• анализа на крански греди,
• модуларни рамки,
• спрегови,
• повеќекатни просторни рамки,
• различни аналитички излези од ист математички модел,
• врски и детали.

Исто така ќе бидат дадени напатствија за избор на конструктивни системи за избегнување на нерегуларности во основа, како и за определување на класата на дуктилност на системот за челични рамки на хала и повеќекатна зграда со различни катни висини, за најповолно однесување согласно на Еврокодовите.

Предавач:

• проф. д-р Денис Поповски, дипл. град. инж.

Време на одржување:

• 03.06.2026 година
• 11:00 h

РЕГИСТРАЦИЈА

Место на одржување: 

• Со физичко присуство во просториите на Комората на овластени архитекти и овластени инженери (ограничен број на учесници – 80 места)
• Онлине, преку платформата Microsoft Teams.

Воедно, би сакале да го истакнеме следново:

• Обуките се наменети исклучиво за активните членови на Комората на овластени архитекти и овластени инженери.
• Сите пријавени лица кои не се членови на Комората или се во статус на неактивни членови, ќе добијат посебно дополнително известување во врска со нивниот статус и можноста за следење на обуката.