Одделението на машински инженери при Комората на овластени архитекти и овластени инженери на Македонија (КОАИ), на 5 јуни 2026 година, во уникатниот амбиент на винаријата „Тиквеш“ во Кавадарци, ја организираше првата годишна средба „ДЕНОВИ НА МАШИНСКИ ИНЖЕНЕРИ 2026“. Овој настан ги постави темелите на една нова, значајна традиција, креирана ексклузивно за и во чест на машинските инженери членови на Комората.

На настанот присуствуваа околу 200 гости, меѓу кои најбројни беа членовите на КОАИ, претставници на академската заедница, локалната самоуправа, како и драги колеги и гости од регионалните комори на Црна Гора, Србија и Хрватска.

Повеќе: Успешно одржани првите „Денови на машински инженери 2026“: Нов столб за професионален развој на...

На 3 јуни 2026 година, во организација на Комората на овластени архитекти и овластени инженери (КОАИ), преку Одделението на градежни инженери, успешно се одржа хибридно стручно предавање посветено на примената на Еврокодовите при проектирање и анализа на сложени челични и спрегнати конструкции.

Предавач на настанот беше проф. д-р Денис Поповски, дипл. град. инж., кој преку практични примери и реални искуства од инженерската пракса ги презентираше современите пристапи за проектирање и анализа на индустриски хали, повеќекатни челични индустриски објекти, спрегнати конструкции и армирано-бетонски темелни системи.

Повеќе: Успешно одржано стручно предавање за примена на Еврокодовите при проектирање и анализа на сложени...

Со големо задоволство ги известуваме сите наши членови дека Управниот одбор на Комората на овластени архитекти и овластени инженери (КОАИ) официјално ја усвои Стратегијата за дигитална трансформација за периодот 2026-2029 година.

Овој стратешки документ означува почеток на нова, модерна ера во работењето на Комората, со примарна цел – воведување на висока услужна ефикасност, максимална транспарентност и елиминирање на рачните и административните процедури кои досега го забавуваа процесот на работа.

Визија и цели на дигиталната трансформација

Нашата дигитална мисија е јасна: Да обезбедиме ефикасни, сигурни и транспарентни дигитални услуги за членството и да ги оптимизираме внатрешните институционални постапки. Комората се трансформира во современа, интегрирана и дигитално поддржана професионална институција која работи во служба на своите членови.

Повеќе: Управниот одбор ја усвои Стратегијата за дигитална трансформација на КОАИ (2026-2029)

Комората на овластени архитекти и овластени инженери успешно ја реализираше првата сесија од стручната обука на тема „FIDIC 1999 vs FIDIC 2017 – клучни измени“, која се одржа на 20 мај 2026 година во просториите на Комората, како и онлајн преку платформата Microsoft Teams.

Обуката беше организирана во соработка со Одделението на градежни инженери при КОАИ и беше наменета за сите активни членови на Комората, како и за сите професионалци вклучени во реализација на градежни проекти.

Повеќе: I СЕСИЈА: FIDIC 1999 vs FIDIC 2017- 14 процедури

Претставници од Комората на овластени архитекти и овластени инженери, предводени од Претседателот м-р Дејан Метикош, присуствуваа на свеченото отворање на Меѓународниот конгрес „FROM RESEARCH TO APPLICATION“, кој се одржа на 20 мај 2026 година, во организација на Универзитетот во Тетово.

Настанот свечено го отвори Ректорот проф. д-р Јусуф Зејнели. Овој Конгрес претставува клучна платформа за поврзување на научните истражувања со нивната директна примена во праксата – концепт кој е од суштинско значење за развојот и модернизацијата на инженерската и архитектонската професија. 

Повеќе: УЧЕСТВО НА КОАИ НА МЕЃУНАРОДНИОТ КОНГРЕС ВО ТЕТОВО