На 5 јуни 2024 година со почеток во 12:00 часот во салата на Комора на овластени архитекти и овластени инженери се одржа свечена комеморација.
Во организација на Асоцијација на архитекти на Северна Македонија се оддаде почит на доајените Мимоза Несторова Томиќ, Благоја Колев, Трајко Димитров, Георги Константиновски, Радован Раѓеновиќ и Миодраг Митровиќ.

Повеќе: Комеморација

Во рамките на „Геотехнички денови 2024 на Комората“ во организација на Одделението за геотехника, на 16 мај 2024 година од 11 до 15 часот, во салата на Комората, се одржa стручно предавање на тема „Искуства и стратегии за справување со нестабилности кај косините и појавата на свлечишта“ oд проф. Вито Тагарели гостин од Политехничкиот Универзитет во Бари, Р. Италија.
На почетокот се обрати Заменик претседателот на Комората М-р Дејан Метикош кој ги поздрави присутните и им посака успешна работа и по што започна официјалниот дел на обуката.

Повеќе: Одржанo стручно предавање на тема „Искуства и стратегии за справување со нестабилности кај...

На 23 Мај 2024 година во просториите на Комората на овластени архитекти и овластени инженери се одржа првиот информативниот настан кој имаше цел да ги идентификува сите заинтересирани страни за основање на Совет за зелена градба на Република Северна Македонија, како дел од мрежата на национални Совети за зелена градба во регионот на Западен Балкан. На настанот има повеќе од 70 присутни од градежната индустрија, компании кои инвестираат во градежниот сектор, градежни компании, компании за градежни материјали и енергетско-ефикасна опрема за ладење и греење, проектни студија, агенции за недвижности, образовни институции, невладини организации и поединци подготвени да воведат промени на пазарот кон практиките за зелено градење.
Настанот го отвори претседателката на Комората, м-р Кристинка Чулак, а свои обраќања имаа регионалната менаџерка на HELVETAS г-ѓа Емилија Јованова, д-р Ристо Иванов како проектен менаџер и Игор Панчевски како координатор на иницијативата за Македонија.

Повеќе: Одржан првиот информативен настан за основање на Совет за зелена градба

78-то Генерално собрание на Европскиот совет на градежни инженери - ECCE (Europeаn Council of Civil Engineers) се одржa од 22 до 24 мај 2024 година, во прекрасниот град Рига, Латвија. На Генералното собрание присуствуваа претставници на сите земји членки на ЕССЕ. Комората на овластени архитекти и овластени инженери ја претставуваше раководителот на одделение на градежни инженери, проф. д-р Мери Цветковска. Поднесен беше извештај за работата, финансиски извештај и план за работа за идната година на ECCE. Најавен беше и изборот на нов Претседател и нов Извршен одбор на ЕССЕ кој ќе се спроведе во септември, на следното Генерално собрание.

Повеќе: Одржано 78-то Генерално Собрание на ECCE - Europeаn Council of Civil Engineers

Комората како членка на ИКОМОС Македонија ја споделува поканата за Завршната конференција на проектот „Мониторинг на православното културно наследство“ во организација на ИКОМОС Македонија и Македонската Православна Црква - Охридска Архиепископија, на која ќе бидат презентирани постигнатите резултати од работата на нашите колеги од ИКОМОС Македонија и со која ќе се означи и крајот на овој проект.
Завршната конференција ќе се одржи на 30 мај 2024 год. (четврток) во Музејот на Македонската борба за самостојност, со почеток во 14:00 часот.

Преземете програма.