Комората како членка на ИКОМОС – Интернационалниот совет на споменици и локалитети, ja пренесува информацијата за одржаното годишно Собрание на ИКОМОС на 25.02.2025 година.
На маргините на Собранието беше промовирана Монографијата „30 години Македонски национален комитет на ИКОМОС“, која е директен плод на желбата за подобро разбирање на развојот на Комитетот, како и за документирање на придонесите во заштитата на недвижните културни добра како негово наследство.

Повеќе: Промовирана Монографијата „30 години Македонски национален комитет на ИКОМОС“

На 13-14 март 2025 година во Скопје ќе се одржи Конференција DRBF за Централна и Источна Европа. На конференцијата ќе се анализираат практични упатства за корисниците и практичарите од Комисиите за решавање на спорови кај FIDIC договори.
Првиот ден (13 март) се состои од предавања со примери на случаи од пракса, проследени со интерактивна дискусија.
Вториот ден (14 март) според агендата предвидени се дуел-дебати каде ќе учествуваат почетници и експерти од Одборот за спорови.
За повеќе информации и регистрација на следниот линк.

На 21 Февруари 2025 со почеток од 11:00 часот во просториите на Советот на Општина Кичево се одржа Регионална средба на овластени архитекти и овластени инженери, првата од овој тип на активностит на Комората, зацртани во календарот за 2025 година.
Собирот се одржа на барање на архитектите и инженерите од Западниот Регион, а на иницијата на архитект Ристе Лазаровски од Кичево. На настанот беа поканети и сите членови на Комората.
Пред присутните со поздравни обраќања, најнапред присутните ги поздравија Претседателката на Комората г-ѓа Кристинка Чулак, претставничката на Министерството за транспорт г-ѓа Елена Павловски - Советник во одделение за уредување на просторот во рурална средина, раководителката на секторот за урбанизам на општина Кичево г-ѓа Вјолца Абази, Веселинка Герасимова Петровска, раководителка на одделението на архитекти во Комората и раководителот на одделението урбанисти – Михаел Димитровски.

Повеќе: Одржана регионална средба во Кичево

На третата средба на Архитекти и Архитекти Урбанисти, одржана во Битола на крајот на 2024 година, специјален гостин беше Кристоф Најдовски – Французин со битолски корени и актуелен заменик-градоначалник на Париз. Тој сподели инспиративна приказна за тоа како Градот на светлината, за само две децении, успеа да го преполови бројот на автомобили и да се трансформира во одржлив, зелен и хуман град, исполнет со паркови, чист воздух и урбана хармонија.

Повеќе: Човекот што му подари зелени бели дробови на Париз